लुम्बिनी सांस्कृतिक नगरका प्रमुख मनमाेहन चाैधरी लाेसपा प्रवेश

रुपन्देही । स्थानीय तह निर्वाचन नजिकैसँगै रुपन्देहीकाे लुम्बिनी सांस्कृतिक नगरपालिकाका प्रमुख मनमोहन चौधरी लोकतान्त्रिक समाजवादी पार्टी (लोसपा) मा प्रवेश गरेका छन् ।

उनलाई लोसपाका अध्यक्ष महन्त ठाकुर, वरिष्ठ नेता राजेन्द्र महतोलगायतले पार्टीमा प्रवेश गराएका हुन् ।

हाल भइरहेको पार्टीमा रहँदा फेरि नगर प्रमुखमा उम्मेदवारी दिन नपाइने भएपछि देशभर पार्टी प्रवेश र त्याग अभियान नै चलिरहेको छ । यसअघि प्रमुख चाैधरी उपेन्द्र यादव नेतृत्वको जनता समाजवादीमा रहेका थिए ।

गत निर्वाचनको समयमा स्वतन्त्रबाट चुनाव जितेका चौधरीको यो तेस्रो पार्टी परिवर्तन हो ।