नेपालगन्जमा माओवादी गठबन्धनबाट बाहिरियो
२०७९ वैशाख १० गते १७:०१
दाङ । नेकपा माओवादी केन्द्र बाँकेको नेपालगन्ज उपमहानगरपालिकामा एक्लै चुनावी मैदानमा जाने भएको छ ।
माओवादीका नेपालगन्ज उपमहानगर अध्यक्ष रतन शाहीले आज विज्ञप्ति जारी गर्दै काँग्रेस, जसपा, जनमोर्चा र समाजवादी पार्टी गठबन्धनको मर्म विपरीत गएकाले माओवादी प्रमुख र उपप्रमुख सहित १९ वटै वडामा एक्लै चुनाव लड्ने जानकारी दिएका छन् ।
‘प्रमुख र उपप्रमुखमा मात्रै गठबन्धन गर्ने र वडामा एक्ला एक्लै चुनाव लड्ने बताएपछि हामीले गठबन्धन तोड्ने निर्णय गरेका हौँ,’ अध्यक्ष शाहीले भने ‘हामी नेपालगन्जमा गठबन्धनबाट बाहिरियौँ ।’
नेपालगन्ज उपमहानगरपालिकामा कांग्रेसले प्रमुख र जसपाले उपप्रमुख लगेर चुनावमा जाने सहमति भएको छ ।
बाँकी चार दल प्रमुख र उपप्रमुखमा गठबन्धन गरे पनि वडा स्तरमा गठबन्धनबिच कुरा नमिल्दा वडामा एक्ला एक्लै चुनाव लड्ने तयारी गरेका छन् ।
प्रकाशित: २०७९ वैशाख १० गते १७:०१
प्रतिक्रिया
सम्बन्धित खवर
