वीरेन्द्रनगरकाे मेयरमा एमालेबाट मोहनमाया ढकाल र उपमेयरमा खनाल

सुर्खेत । सुर्खेतको वीरेन्द्रनगर नगरपालिकामा नेकपा एमालेले उम्मेदवार टुंगो लगाएको छ ।

एमालेको दुई दिनसम्म बसेको प्रदेश टिकट समन्वय समिति बैठकले नगरको मेयरमा मोहनमाया ढकाल र उपमेयरमा नीलकण्ठ खनाललाई उम्मेदवार बनाउने निर्णय गरेको हो ।

ढकाल अहिले नगरको उपमेयर हुन् । यस्तै उपमेयरका उम्मेदवार खनाल वडा नम्बर ४ का अध्यक्ष हुन् ।

नेकपा एमालेको वीरेन्द्रनगर नगरप्रमुख बन्नका लागि एमाले जिल्ला कमिटी अध्यक्ष अमृत बिसी, उपाध्यक्ष कुलमणि देवकोटा, नगर कमिटी अध्यक्ष नीलकण्ठ खनाल, एमाले नेता हरिहरनाथ योगी लगायतको पनि दाबी रहेको थियो ।