संखुवासभा : सात पालिकामा मात्रै गठबन्धन, कांग्रेसले पाँच पाउँदा माओवादी र एसलाई एक-एक

काठमाडौं ।  गठबन्धन दलहरू संखुवासभाका सात वटा पालिकामा मात्रै मिलेर जाने भएका छन् ।

आज भएको सहमति अनुसार सात मध्ये पाँच वटा नेपाली कांग्रेस र एक एक पालिका नेकपा माओवादी केन्द्र ले पाएका छन् ।

कांग्रेसले सभा पोखरी गाउँपालिका, खाँद बारी नगरपालिका, पाँचखपन नगरपालिका, चैनपुर नगरपालिका र धर्मदेवी नगरपालिकामा प्रमुख लिएको छ ।

यस्तै एकीकृत समाजवादीले भोटखोला गाउँपालिका र माओवादी केन्द्रले मादी नगरपालिकामा प्रमुख पाएको छ।

उपप्रमुखमा कांग्रेसको भागमा भोटखोला, मादी नगरपालिका र धर्मदेवी नगरपालिका परेका छन् ।

यस्तै नेकपा एसको भागमा सभा पोखरी गाउँपालिका र पाँचखपन नगरपालिका परेका छन् । माओवादी केन्द्रले खाँद बारी नगरपालिका र चैनपुर नगरपालिकामा उपप्रमुख पाएको छ ।

बाँकी रहेका मकालु, चिचिला र सिलिचोङ गाउँपालिकामा एक्ला एक्लै निर्वाचन लड्ने सहमति पनि गठबन्धनको बनेको छ ।

सहमति भएका पालिकाहरूको हकमा भने वडा सदस्यहरू स्थानीय आवश्यकता अनुसार आपसी सल्लाहमा फेरबदल गर्न सकिने निर्णय पनि भएको छ ।