गठबन्धनबाट तुलसीपुर उपमहानगरपालिकाको मेयरमा गेहेन्द्र गिरीले पाए टिकट
२०७९ वैशाख १० गते १८:२३
दाङ । दाङको तुलसीपुर उपमहानगरपालिकामा उम्मेदवारको टुंगो लागेको छ । गठबन्धनमा भएको सहमतिअनुसार नेपाली कांग्रेसको भागमा परेकाे तुलसीपुरमा पूर्व सांसद गेहेन्द्र गिरी मेयरका उम्मेदवार बनेका हुन् ।
नेपाली कांग्रेस लुम्बिनी प्रदेशले गिरीलाई मेयरको उम्मेदवार बनाएको तुलसीपुर पठाइसकेकाे उपमहानगर सभापति सुरेश हमालले जानकारी दिए ।
गिरी २०५६ सालको मध्यावधि चुनावमा दाङ क्षेत्र नम्बर ३ बाट सांसदमा निर्वाचित भएका थिए । उनी यसअघि २०७४ सालको स्थानीय तहको निर्वाचनमा पनि तुलसीपुर उपमहानगरपालिकाको मेयरमा चुनाव लडेका थिए । त्यति बेला गिरी एमालेका घनश्याम पाण्डे सँग ४ हजार ६ सय भन्दा बढी मतले पराजित भएका थिए ।
गिरी नेपाली कांग्रेसका केन्द्रीय सदस्य समेत हुन् । तुलसीपुर उपमहानगरपालिकामा गिरी पाँच दलीय गठबन्धनका साझा उम्मेदवार बनेका छन् ।
तुलसीपुरमा उपमेयर भने नेकपा समाजवादीलाई भाग परेको छ । समाजवादीले उपमेयरमा जोगबहादुर रानालाई टिकट दिएको छ ।
प्रकाशित: २०७९ वैशाख १० गते १८:२३
प्रतिक्रिया
सम्बन्धित खवर
