रुपन्देही समन्वय समिति उपप्रमुख राप्रपामा प्रवेश

रूपन्देही । जिल्ला समन्वय समिति रुपन्देहीका उपप्रमुख पशुपतिनाथ यादव राष्ट्रिय प्रजातन्त्र पार्टी (राप्रपा) मा प्रवेश गरेका छन् ।

तत्कालीन संघीय समाजवादी फोरम, नेपालबाट जिल्ला समन्वय समितिको उपप्रमुखमा निर्वाचित यादव यसअघि जसपा परित्याग गरी नेकपा (एमाले) मा प्रवेश गरेका थिए ।

एमाले रुपन्देहीका जिल्ला कमिटी सदस्यसमेत रहेका उनी एमाले परित्याग गरी आइतबार राप्रपामा प्रवेश गरेका हुन् ।
उनलाई नेता दीपक बोहरासहितका नेताहरूले राप्रपामा स्वागत गरेका थिए ।