धादिङमा कांग्रेस-माओवादी-एसबीच भागबन्डा, कसलाई कहाँ ?

काठमाडौं । १३ स्थानीय तह रहेको धादिङमा सत्तारूढ तीन दलबीच भागबन्डा भएको छ ।

वागमती प्रदेशस्तरीय गठबन्धनको संयन्त्रले सिट बाँडफाँट गरेको हो । जसअनुसार नेपाली कांग्रेसले ८ स्थानीय तहको नेतृत्व पाएको छ भने, नेकपा माओवादी केन्द्रले ३ स्थानीय तह र नेकपा एकीकृत समाजवादीले दुई स्थानीय तहको नेतृत्व लिएका छन् ।

कांग्रेसले नीलकण्ठ नगरपालिका, खनियाँबास गाउँपालिका, गंगाजमुना गाउँपालिका, नेत्रावती डबजोङ गाउँपालिका, त्रिपुरासुन्दरी गाउँपालिका, ज्वालामुखी गाउँपालिका, सिद्धिलेक गाउँपालिका र थाक्रे गाउँपालिकाको नेतृत्व पाएको छ ।

यस्तै माओवादी केन्द्रले रुवीभ्याली गाउँपालिका, बेनीघाट रोराङ गाउँपालिका र गजुरी गाउँपालिकाको नेतृत्व पाएको छ भने, धुनीवेँशी नगरपालिका र गल्छी गाउँपालिकाको नेतृत्व एकीकृत समाजवादीलाई दिइएको छ ।

यस्तै नेपाली कांग्रेसले धुनीवेशीको उपमेयर तथा रुबीभ्याली, गजुरी र गल्छीको उपाध्यक्ष पनि लिएको छ । भने माओवादी केन्द्रले नीलकण्ठ नगरपालिकाको उपमेयर तथा खनियाँबास, नेत्रावती डबजोङ, त्रिपुरासुन्दरी र थाक्रे गाउँपालिकाको उपाध्यक्ष पाउँदा एकीकृत समाजवादीले गंगाजमुना, ज्वालामुखी, सिद्धिलेक र वेनीघाट रोराङको उपाध्यक्ष पाएको छ ।

यस्तै जिल्ला समन्वय समितिको संयोजक माओवादी केन्द्रले पाएको छ भने सहसंयोजक एकीकृत समाजवादीलाई दिइएको छ ।