कांग्रेसबाट निर्वाचित मेयर साह जसपा प्रवेश

जनकपुरधाम । नेपाली कांग्रेसबाट निर्वाचित सर्लाहीको मलंगवा नगरपालिकाका मेयर निरसल साह जनता समाजवादी पार्टी (जसपा)मा प्रवेश गरेका छन् ।

यो पटक फेरि निर्वाचन लड्ने तयारी गरेका साह कांग्रेसबाट टिकट नपाउने भएपछि जसपा प्रवेश गरेका हुन् ।

उनलाई जसपाका संघीय सांसद प्रमोद साह, मधेस प्रदेश सांसद अशोक यादव, जिल्ला समन्वय समितिका सभापति मेथुर चौधरीलगायतले साहलाई पार्टीमा स्वागत गरेका छन् ।

जसपाबाट मेयरमा साह भोली मनोनयन दर्ता गराउने बुझिएको छ ।