२२ औँ प्रयासमा अधिकृत बनेका गिरी चार महिनामै राजीनामा दिएर बनेपाको मेयर दाैडमा
नेपाल प्रेस
२०७९ वैशाख १२ गते १८:५९
बनेपा । प्रशासकीय अधिकृत (सातौं तह) बाट राजीनामा दिएका कञ्चनराज गिरीले बनेपाको मेयरका लागि स्वतन्त्रबाट उम्मेदवारी दर्ता गराएका छन् ।
आगामी वैशाख ३० हुने स्थानीय तह निर्वाचनमा मेयरमा लड्न उनले स्वतन्त्रबाट उम्मेदवारी दर्ता गराएका हुन् ।
उम्मेदवारी दर्तापछि गिरीले बनेपा नगरले वैशाख ३० मा नयाँ इतिहास लेख्ने विश्वास व्यक्त गरे ।
२२ औँ पटकको प्रयासमा अधिकृत बनेका गिरीले मेयरमा लड्नका लागि भन्दै जागिर खाएको चार महिना २४ दिनमै राजीनामा दिएका थिए ।
९ वर्षको निरन्तर प्रयासपछि अधिकृतमा नाम निकाल्न सफल गिरीले नेपाल विद्युत् प्राधिकरणको सबैभन्दा ठुलो जलविद्युत केन्द्र काली गण्डकी ‘ए’ मा जलविद्युत केन्द्रको प्रशासन प्रमुखको रूपमा कार्यरत थिए ।
उनले निर्वाचन लड्न गत चैत २४ गते पदबाट राजीनामा दिएका थिए ।
बनेपा बदल्नका आफू एक पटक मात्रै अवसर दिन नगरवासीहरूलाई आग्रह गरेका छन् ।
नेपाल प्रेस
प्रकाशित: २०७९ वैशाख १२ गते १८:५९
प्रतिक्रिया
सम्बन्धित खवर
