जनकपुरधाममा कांग्रेस नगर सभापति साह गठबन्धनका उम्मेदवारविरुद्ध मेयरमा बागी

जनकपुरधाम । जनकपुरधामको मेयरमा सत्ता गठबन्धनका उम्मेदवार विरुद्ध कांग्रेस नगरसभापतिले बागी उम्मेदवारी दिएका छन् ।

गठबन्धनमा भएको सहमतिप्रति असन्तुष्ट कांग्रेस नगरसभापति मनोज साहले बागी उम्मेदवारी दिएका हुन् ।

केन्द्रमा गठबन्धन दलहरुबीच भएको सहमतिअनुसार जनता समाजवादी पार्टी जसपाको भागमा परेको छ । सो पार्टीबाट लालकिशोर साहले मेयरमा उम्मेदवारी दिएका छन् ।

तत्कालिन राजपाबाट लालकिशोर साह गत निर्वाचनमा पनि मेयरमा निर्वाचित भएका थिए । पछि राजपा र समाजवादी पार्टी मिलेर राजपा बनेको थियो । तर पार्टी एकता भएर फेरि विभाजित भएपनि उनी उपेन्द्र यादव नेतृत्वको राजपामा नै बसेका थिए ।

सत्ता गठबन्धनको भागवन्डामा जनकपुरधाम जसपालाई परेपछि उनलाई उम्मेदवार बनाइएको हो ।

कांग्रेसको भागमा परेको उपमेयरमा किशोरी साहले उम्मेदवारी दिए ।