महानगर र उपमहानगरका राप्रपा उम्मेदवारलाई राजेन्द्र लिङदेनले दिए यस्तो निर्देशन

काठमाडौं । राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङदेनले उपत्यकाका उम्मेदवारहरुलाई उच्च मनोबलका साथ चुनावमा होमिन निर्देशन दिएका छन् ।

काठमाडौं, ललितपुर, भक्तपुर अन्तर्गतका महानगर, उपमहानगर, नगरपालिकाका उमेदवारको भेलालाई सम्बोधन गर्दै लिङदेनले जितका लागि शुभकामना समेत दिए ।

आगमी स्थानीय तह निर्वाचन राप्रपाका लागि शक्ति देखाउने अवसरका रुपमा आएको उल्लेख गर्दै उनले राप्रपा बन्द कोठामा सीमित हुने पार्टी भएर जनताको मन मस्तिष्कमा बसेको पार्टी हो भने ।

राप्रपा हुन्छु भनेर जीवनभरी कल्पना समेत नगरेका व्यक्तिहरु अहिले पार्टीमा आउन तँछाडमछाड गरिरहेको बताए ।

अहिलेको जनलहर कायम राख्दै अकल्पनीय परिणाम निकाल्ने विश्वास व्यक्त गर्दै उनले राप्रपाले नेपालको विकृत राजनीतिमा सुधार ल्याउने अठोट लिएको बताए ।

उम्मेदवारहरुलाई दिएका निर्देशन यस्ता छन्

देशमा विद्यमान राजनीतिक विकृतिको कुरा उठाउनु

राप्रपाले भ्रष्टाचारको जरैदेखि अन्त्य गर्न चाहन्छ, मतदातालाई विश्वास दिलाउनु ।

घोषणापत्र बारे स्पष्ट भएर जानु

अन्य दलको भन्दा स्मार्ट घोषणापत्र राप्रपाको छ । नसक्ने हावादारी कुरा गरेको छैनौं ।

आकाशको तारा झार्ने कुरा गरेका छैनौं, यथार्थपरक, गर्न सकिने र विगतमा चुनाव जितेका स्थानीय तहमा प्रयोग गरेको र अनुभवका आधारमा तयार पारिएको घोषणापत्र छ राप्रपाको

भ्रष्टाचार गर्दिन, बेइमानी गर्दिन भनेर मानसिक रुपमा तयार हुनुस्