विराटनगर महानगरका मेयर भीम पराजुलीले दिए राजीनामा

विराटनगर । विराटनगर महानगरपालिकाका मेयर भीम पराजुलीले पदबाट राजीनामा दिएका छन् ।

उपमेयर इन्दिरा कार्कीमार्फत राजीनामा बुझाएको प्रेस सल्लाहाकार कौशल निरौलाले बताए । काठमाडौंमा रहेका पराजुलीले विराटनगर आएलगत्तै राजीनामा बुझाएका हुन् ।

राजीनामा पत्रमा पराजुलीले निर्वाचन प्रचारप्रसारमा सहभागी हुनुपर्ने भएकाले नैतिकताको आधारमा राजीनामा दिएको उल्लेख गरेका छन् ।

पराजुलीले यसपटक पुन: मेयरमा दाबी गरेका थिए । गठबन्धनले नेपाली कांग्रेसका नागेश कोइरालालाई मेयरमा अघि सारेको छ । कोइराला नेता डा. शेखर कोइराला समूहका हुन् ।