नेकपा एसको मकवानपुर जिल्ला अध्यक्ष छाडेका पोखरेल एमालेमै फर्किए
पोखरेल नेकपा एसबाट हेटौंडा उपमहानगरको मेयरका लागि पनि सिफारिस भएका थिए
नेपाल प्रेस
२०७९ वैशाख १६ गते ९:२६
हेटौंडा । नेकपा एकीकृत समाजवादी मकवानपुर जिल्ला अध्यक्षबाट राजीनामा दिएको भोलिपल्ट नै श्रीधर पोखरेल नेकपा एमालेमा प्रवेश गरेका छन् ।
एमाले विभाजन भएपछि पोखरेल समाजवादीतर्फ लागेका थिए । उनी फेरि एमालेमा फर्किएका हुन् ।
उनलाई बिहीबार काठमाडौंमा भएको कार्यक्रममा एमाले अध्यक्ष केपी ओलीले पार्टी प्रवेश गराएका हुन् । निर्वाचनपछि पार्टी कमजोर हुने भन्दै बुधबार उनी सहित सचिवालय सदस्यले समेत पार्टी परित्याग गरेको घोषणा गरेका थिए ।
नेकपा एसबाट उनी हेटौंडा उपमहानगरको मेयरका लागि पनि सिफारिस भएका थिए । उनले राजीनामा दिएपछि नेकपा एसको मकवानपुर अध्यक्षमा सूर्यचन्द्र न्यौपाने चयन भएका छन् ।
नेपाल प्रेस
प्रकाशित: २०७९ वैशाख १६ गते ९:२६
प्रतिक्रिया
सम्बन्धित खवर
