२७ वर्षमै वडा अध्यक्ष बनेर जनताको सेवा गर्ने चन्दको धोको
नेपाल प्रेस
२०७९ वैशाख १६ गते १६:२५
गुल्मी । आसन्न स्थानीय तहको नर्वाचनका लागि गुल्मीमा २७ वर्षीय युवा वडा अध्यक्षको उम्मेदवार बनेका छन् ।
जिल्लाको मदाने गाउँपालिका वडा नं. १, अग्लुङ्गको वडा अध्यक्ष पदका लागि २७ वर्षीय सुशील चन्द उम्मेदवार बनेका हुन् ।
नेपाली कांग्रेसका वडा कार्यसमितिका सभापति समेत रहेका सत्ताईस वर्षीय चन्दलाई कांग्रेसले सर्वसम्मत रुपमा उम्मेदवार बनाएको हो ।
उम्मेदवार बनेसँगै उनले चुनाव प्रचार–प्रसार एवम् मतदातालाई भेट्ने कार्यक्रमलाई तीब्र बनाएका छन् ।
आफ्नो वडाका जनताको समस्या समाधानका लागि सदैव हातेमालो गरेर खटिने प्रतिवद्धतासहित चन्द अहिले घरदैलौ अभियानमा सक्रिय छन् ।
राजनीतिमा युवाहरुको सक्रियताबाटै समाज परिवर्तन गर्न सकिने चन्दको भनाई छ ।
‘युवा उमेरमै वडाबासीको मतबाट निर्वाचित भएर आफ्नो समाजलाई केही योगदान गरौं भनेर म राजनीतिमा लागेको हुँ’, चन्दले भने ।
नेपाल प्रेस
प्रकाशित: २०७९ वैशाख १६ गते १६:२५
प्रतिक्रिया
सम्बन्धित खवर
