एमालेसँग तालमेल गरेका कांग्रेसको जोशी समूहका मेयरले पाए कैँची चुनाव चिन्ह
नेपाल प्रेस
२०७९ वैशाख १७ गते १४:११
दमौली । नेकपा एमालेसँग चुनावी तालमेल गरेर ब्यास नगरपालिकाको मेयरमा उम्मेदवार बनेका कांग्रेस नेता दीपकराज जोशीले कैँची चुनाव चिन्ह पाएका छन् ।
कांग्रेस नेता तथा पूर्व गृहमन्त्री गोविन्दराज जोशीका छोरा दीपकराजले एमालेसँग गठबन्धन गरेका छन् ।
कांग्रेस संस्थापन पक्षले उम्मेदवार बन्ने प्रक्रियाबाट समेत वञ्चित गर्न खोजेपछि गोविन्द जोशी समूहले तनहुँको ब्यास लगायतका स्थानीय तहमा एमालेसँग गठबन्धन गरेको छ ।
ब्यासमा एमालेबाट वसुन्धरा घर्ती उपमेयर छन् । अब ब्यासमा एमालेले मेयरमा कैँची चिन्हमा मतदान गर्नेछन् भने जोशी समूहका कांग्रेसले उपमेयरमा सूर्य चिन्हमा मतदान गर्नेछन् ।
नेपाल प्रेस
प्रकाशित: २०७९ वैशाख १७ गते १४:११
प्रतिक्रिया
सम्बन्धित खवर
