एमालेबाट १० पालिका प्रमुख र उपप्रमुखमा विद्यार्थी उम्मेदवार, वडाध्यक्ष कति ? (सूचीसहित)

काठमाडाैं । नेकपा एमालेले विद्यार्थी राजनीति गरिरहेका ३० वर्षमुनिका २८ जना युवालाई स्थानीय तह निर्वाचनमा उम्मेदवार बनाएको छ ।

अनेरास्ववियुको जिल्लादेखि केन्द्रीय कमिटीमा क्रियाशील रहेका २८ जनालाई पालिका प्रमुखदेखि वडाध्यक्षसम्मको उम्मेदवार बनाएको हो ।

तीमध्ये चारजना पालिका प्रमुख र ६ जना उपप्रमुखका उम्मेदवार छन् भने २८ जना वडाध्यक्षका उम्मेदवार छन् । अखिल अध्यक्ष सुनिता बरालसहितको टोलीले केही दिनअघि अध्यक्ष केपी शर्मा अ‍ोलीलाई भेटेर युवा-विद्यार्थीलाई उम्मेदवारीमा प्राथमिकता दिन आग्रह गरेको थियो ।

अनेरास्ववियुका महासचिव समिक बडालले संगठनको विभिन्न जिम्मेवारीमा रहेकाहरु नै उम्मेदवार बनेको बताए । अखिलका केन्द्रीय सचिव एलबी सिंह बझाङको खप्तड छान्न गाउँपालिका अध्यक्षको उम्मेदवार छन् ।

त्यस्तै स्थायी कमिटी सदस्य अविशेक सुवेदी दोलखाको तामाकोशी गाउँपालिका, डम्बर बिसी अछामको तुर्माखाद गाउँपालिका र समीमबाबु खान मलंगवा नगरपालिकाको प्रमुखका उम्मेदवार छन् ।

सचिवालय सदस्य अस्मिता थापा ओखलढुंगाको लिखु गाउँपालिका उपाध्यक्ष उम्मेदवार छन् भने केन्द्रीय सदस्य रुपा कठायत डोटीको सिलगढी नगरपालिकाको उपमेयर र किरण कापर धनुषाको सबैला नगरपालिकाको उपमेयर उम्मेदवार छिन् ।

यी हुन् अखिलबाट एमालेको उम्मेदवार बनेका विद्यार्थीहरु –