स्थानीय चुनाव
पाँच वर्षमा फेरिएको कैलालीको गणित, को-कता लागे ?
२०७९ वैशाख १९ गते ६:५१
कैलाली । स्थानीय तह निर्वाचनको मिति नजिकिँदै गइरहेको छ । शनिवार उम्मेदवारहरूले चुनाव चिन्ह पाएसँगै निर्वाचनको सरगर्मी थप बढेको छ ।
अहिले कैलालीमा गठबन्धन भर्सेस एमाले हुने सङ्केत देखिएको छ । गठबन्धनका तीन दलहरूले १३ पालिकाको प्रमुख उपप्रमुखमा तालमेल गरे पनि १२६ वडाहरूमा भने तालमेल हुन सकेन । यहाँका अधिकांश वडामा मित्रवत् प्रतिस्पर्धा हुने भएको छ ।
कैलालीमा अघिल्लो स्थानीय तहमा नेकपा एमाले १३ मध्ये सात पालिकामा विजयी भएको थियो । नेपाली कांग्रेसले तीन र माओवादी केन्द्रले दुई पालिकामा विजयी भएको थियो । एक पालिकामा फोरम लोकतान्त्रिक विजयी भएको थियो ।
आगामी स्थानीय तह निर्वाचनको तयारी भइरहेको बेला अघिल्लो स्थानीय तह निर्वाचनलाई फर्केर हेर्दा कैलालीमा यस्तो थियो विभिन्न दलको मत परिणाम
लम्की चुहा नगरपालिका
प्रमुख
महादेश बजगाईँ (एमाले) ७१८८
भक्त बहादुर थापा ( कांग्रेस ) ६५२१
दलबहादुर बिष्ट (माओवादी केन्द्र) ४७०१
उपप्रमुख
टीका थापा (एमाले ) ७९०७
धनादेबी थापा (कांग्रेस) ५४०९
सुवित्रा चौधरी (माओवादी केन्द्र) ३९७०
गोदावरी नगरपालिका
प्रमुख
हरिसिंह साउद (एमाले) ९८७०
बिरेन्द्र भट्ट(कांग्रेस) ८४५७
गोकर्ण भट्ट(माओवादी केन्द्र) ६४८१
उपप्रमुख
रत्ना कडायत (एमाले) १००२५
भगवती ओझा (कांग्रेस) ८९७२
शोभा थारु (माओवादी ) ५२७८
घोडाघोडी नगरपालिका
प्रमुख
ममता प्रसाद चौधरी (एमाले) ८१६४
रिता कुमारी चौधरी(कांग्रेस) ६२१०
लक्ष्मण चौधरी (माओवादी ) ७२३७
उपप्रमुख
प्रेम कुमारी थापा (एमाले) ७२३४
हेम बहादुर बम (कांग्रेस) ५७९४
दुर्गा चलाउने (माओवादी ) ७०१९
जानकी गाउँपालिका
अध्यक्ष
जगत बहादुर चौधरी (एमाले) ३३९२
गङ्गा देवी चौधरी (कांग्रेस) ४२२१
फुलराम चौधरी (माओवादी) ३६९९
प्रदीप कुमार चौधरी (फोरम) ५०६७
उपप्रमुख
गङ्गादेवी थापा (एमाले) ३६६५
सूर्य बहादुर बटाला (कांग्रेस) ४०३०
अमृता देवी भण्डारी (माओवादी) ३६७८
जोशीपुर गाउँपालिका
अध्यक्ष
प्रेमलाल चौधरी (एमाले) १३७२
रामकृष्ण चौधरी (कांग्रेस) ३४३२
भक्त थारु (माओवादी) १५४६
उपप्रमुख
गोमा देवी आचार्य (एमाले) १५५३
गीता कठरिया (कांग्रेस) ३७६८
इन्द्रादेबी कुँवर(माओवादी) १६८६
धनगढी उपमहानगरपालिका प्रमुख
दुर्गा प्रसाद जोशी (एमाले) ९९४६
नृव बहादुर वड (कांग्रेस) १४३२४
राम समझ राना ( माओवादी ) १०२०९
गोपाल हमाल ( स्वतन्त्र) ११५२७
उपप्रमुख
रुकमणी देवकोटा ( एमाले ) १२७६३
सुशीला मिश्र (कांग्रेस) १७४०८
शान्ति कुमारी क्षेत्री (माओवादी) १०२५२
बर्दगोरीया गाउँपालिका
अध्यक्ष
कर्ण बहादुर कुँवर (एमाले) ३५४७
बलिराम डगौरा थारु (कांग्रेस) ३७४१
गणेशमान गिरी (माओवादी) ३३०३
उपाध्यक्ष
साबित्रा देवी सापकोटा (एमाले) ३०९०
ललिता जोशी (कांग्रेस) ३२६६
भगवती देवी चौधरी (माओवादी) ३३०३
भजनी नगरपालिका प्रमुख
प्रदीप मल्ल ( एमाले) २१०४
वीर बहादुर हमाल (कांग्रेस) ३१५३
शेरबहादुर चौधरी (माओवादी) ५२२८
उपप्रमुख
मधुमती चौधरी (एमाले) २१४४
भारती कुमारी चौधरी (कांग्रेस) २९३४
छाया देव देवकोटा (माओवादी) ५००८
मोहन्याल गाउँपालिका
अध्यक्ष
नवलसिंह रावल (एमाले) १९९८
लोकेन्द्र बहादुर बडूवाल (कांग्रेस) १५२०
धरम बहादुर थापा (माओवादी) १८२२
उपप्रमुख
पूजादेवी बुढामगर (एमाले) २०३३
रबी कुमारी राना मगर (कांग्रेस) १७५३
जानकी देवी भण्डारी (माओवादी) १४६८
गौरीगङ्गा नगरपालिका
प्रमुख
भीम बहादुर देउवा (एमाले) ५८९१
दिनेश राज जोशी (कांग्रेस) ५२९२
देवीदत्त जोशी ( माओवादी ) ५८३०
उपप्रमुख
अन्चला चौधरी (एमाले) ६१४३
मेनुका जोशी (कांग्रेस) ५३४९
करुणा चौधरी ( माओवादी) ५३७३
चुरे गाउँपालिका
अध्यक्ष
धनबहादुर रोकामगर (एमाले) २५६१
टिकाराम ढुंगाना कांग्रेस (कांग्रेस) २३६६
किसनसिंह साउद (माओवादी) १३५१
उपप्रमुख
दिपा देवी साउद (एमाले) २६१६
धनादेबी थापा ( कांग्रेस ) २३६६
डिलादेबी सिजापति मगर १२५३
टीकापुर नगरपालिका
प्रमुख
तपेन्द्र रावल (एमाले )५९५९
जगबहादुर साउद (कांग्रेस) ५५१४
ललित बहादुर थापा (माओवादी) ५५१०
उपप्रमुख
कमला केसी (एमाले) ५३९३
केशरी कुमारी रावत (कांग्रेस) ६२२६
आसा कुमारी चौधरी (माओवादी ) ५५५३
पाँच वर्षका को कता ?
अघिल्लो स्थानीय तह निर्वाचनमा माओवादी केन्द्रबाट कैलालीको गोदावरी नगरपालिकाको नगर प्रमुखमा उम्मेदवारी दिएका गोकर्ण भट्ट अहिले सोही नगरपालिकामा एमालेको तर्फबाट मेयरको उम्मेदवार बनेका छन् ।
कैलालीको मोहन्याल गाउँपालिको अध्यक्ष पदमा माओवादी केन्द्रको तर्फबाट अध्यक्ष पदको उम्मेदवार बनेका धरम थापा अहिले एमालेको तर्फबाट सोही गाउँपालिकाको अध्यक्षमा उम्मेदवार बनेका छन् । उनी अघिल्लो स्थानीय तह निर्वाचनमा एमालेकै उम्मेदवारसँग पराजित भएका थिए ।
अघिल्लो स्थानीय तहमा माओवादी केन्द्रबाट भजनी नगरपालिकाको उपप्रमुखमा निर्वाचित छाया देवकोटा अहिले एमालेमा सक्रिय छिन् । उनी मेयर पदको आकांक्षी भए पनि उक्त नगरपालिकामा नगर प्रमुखमा हर्क बुढा उम्मेदवार भएका छन् ।
लम्की चुहा नगरपालिका अघिल्लो स्थानीय तहमा माओवादी केन्द्रको तर्फबाट नगर प्रमुखमा लडेका दलबहादुर बिष्ट पनि अहिले एमाले मा सक्रिय छन् । उनी अहिले पनि एमालेबाट आकंक्षी थिए । तर, पुरानै नगर प्रमुख महादेश बजगाईँले टिकट पाए । त्यो बेला बिष्ट बजगाईँसँगै पराजित भएका थिए ।
उसो त एमालेबाट निर्वाचित भएका तीन उपप्रमुखहरू अहिले एमालेमा छैनन् । घोडाघोडी नगरपालिकाकी उपप्रमुख प्रेम कुमारी थापा, गोदावरी नगरपालिकाकी उपप्रमुख रत्ना कडायत र मोहन्याल गाउँपालिका उपप्रमुख पूजादेवी बुढामगर अहिले एमालेमा छैनन् ।
कडायत एकीकृत समाजवादीबाट गोदावरी नगरपालिकाकै उपप्रमुखमा उम्मेदवारी दिएकी छिन् भने बुढामगर एकीकृत समाजवादीमा सनाखत गरिसकेपछि माओवादी केन्द्रमा लागेकी छन् । थापा भने अहिले एमालेबाट एकीकृत समाजवादीमा सक्रिय छिन् ।
धनगढी उपमहानगरपालिकामा अघिल्लो स्थानीय तहमा माओवादीबाट उम्मेदवारी दिएका राम समझ राना अहिले कांग्रेसमा छन् । उनी आफू पराजित भएको केही महिना पछि कांग्रेसमा सक्रिय भएका हुन् । अहिले उनी कांग्रेसका जिल्ला सह सचिव छन् ।
जानकी गाउँपालिकाको अध्यक्षमा फोरमबाट निर्वाचित प्रदीप कुमार चौधरी अहिले कांग्रेसमा छन् ।
प्रकाशित: २०७९ वैशाख १९ गते ६:५१
प्रतिक्रिया
सम्बन्धित खवर
