चुनावको मुखमा इन्टरनेट बन्द हुन नदिन सरकारलाई आयोगको निर्देशन (भिडिओ)

काठमाडौं । इन्टनरनेट सेवा प्रदायक कम्पनीले इन्टरनेट सेवा बन्द हुने भनेर दिएको अभिव्यक्तिप्रति निर्वाचन आयोगले आफ्नो गम्भीर ध्यानाकर्षण भएको जनाएको छ ।

निर्वाचनको पूर्वसन्ध्यामा बन्द हुने अवस्था नल्याउन पहलका लागि आयोगले सरकारलाई निर्देशन दिएको छ । आयोगले सोमबार गरेको नियमित पत्रकार सम्मेलनमा मुलुकभर एकैपटक निर्वाचन गर्ने तयारी भएको अवस्थामा निर्वाचनमा इन्टरनेट सेवा बन्द भए गम्भीर असर पर्ने भन्दै सञ्चार तथा सूचना प्रविधि मन्त्रालयलाई यो अवस्था आउन नदिन निर्देशन दिएको आयोगका सहायक प्रवक्तासमेत रहेका उपसचिव सूर्यप्रसाद अर्यालले जानकारी दिए ।

केही दिनअघि मात्रै इन्टरनेट सेवा प्रदायक संस्थाको छाता संस्था आइस्पानले इन्टरनेट सेवा बन्द हुने अवस्था आएको बताएको थियो ।