इद उल फित्र मनाउँदै मुस्लिम समुदाय (तस्बिर/भिडिओ)

काठमाण्डौं । इस्लाम समुदायले आज इद उल फित्र पर्व मनाइरहेका छन् । देशभरका मुसलमानले विशेष नमाज पाठ गरी ठूलाबडाबाट आशीर्वाद लिएर इद उल फित्र पर्व मनाइरहेका हुन् ।

आशीर्वाद लिन आउने आफन्तलाई सेवइ, खजुरलगायत मीठा खानेकुरा खान दिने चलन छ । खुसीपूर्वक गरिबलाई दान गरिने भएकाले यस पर्वलाई इद उल फित्र भनिएको हो । अरबी पात्रोअनुसार नवौं महिनाको अन्तिम दिन चन्द्रमा देखिएपछि इद उल फित्र तय हुन्छ ।

इस्लाम समुदायको पर्व इदको अवसरमा सरकारले मंगलबार सार्वजनिक बिदासमेत दिएको छ।