षड्यन्त्र गर्नेलाई कारबाही गर्न शेखरसमक्ष सुन्दरहरैँचाका उम्मेदवारको माग

विराटनगर । नेपाली कांग्रेसका नेता डा. शेखर कोइरालाले पार्टीले गरेको निर्णयलाई स्वीकार गर्नुको विकल्प नभएको बताएका छन् ।

मोरङको सुन्दरहरैँचा नगरपालिकाका उमेद्धारसँग अन्तरक्रिया कार्यक्रममा बोल्दै उनले पार्टीभित्र आन्तरिक रूपमा आफ्ना विचार भए पनि निर्णय मान्नुपर्ने बताए ।

सहभागी उम्मेदवारहरूले आफ्नो वडाका गतिविधि प्रस्तुत गरेका थिए । आफूहरूविरुद्ध कार्यकर्ताबाट षड्यन्त्र भइरहेको भन्दै त्यस्तालाई कारबाही गर्न उनीहरूले माग गरे ।

सुन्दरहरैँचाका कतिपय वडामा कांग्रेसकै बागी उठेकालाई तीनीहरूलाई कारबाही गर्न कार्यक्रममा माग उठेको थियो । नेता कोइरालाले उम्मेदवारसहित प्रस्ताव र समर्थकलाई विधानअनुसार कारबाही गर्ने आश्वस्त पारे ।

‘टिकट कसले पायो के गर्‍यो छोड्नुस, यहाँ देवराजजीले पनि त मेयरमा पाउनुभएन । अब हामीले रुख चिन्हलाई विजयी गराउनतर्फ लाग्ने हो ।