भोजपुरमा बागी उठेका दुईजनालाई एमालेले गर्यो निष्कासन
नेपाल प्रेस
२०७९ वैशाख २० गते १४:४५
भोजपुर । नेकपा एमाले भोजपुरले २ जना बागी उम्मेदवारलाई कारबाही गरेको छ ।
वैशाख ३० को निर्वाचनका लागि पार्टीको निर्णयविपरीत उम्मेदवारी दिएको भन्दै जिल्ला कमिटी सचिवालय सदस्य दौलथ कुलुङ राई र भोजपुर नगर वडा कमिटी १२ टक्सारका कुमार श्रेष्ठलाई पार्टीको सदस्यतासमेत नरहने गरी कारबाही गरिएको हो ।
दौलथ साल्पासिलिछो गाउँपालिका अध्यक्ष र श्रेष्ठ भोजपुर नगरपालिका-१२ को वडाध्यक्षमा बागी उठेका छन् । श्रेष्ठ निवर्तमान वडाध्यक्षसमेत हुन् ।
विज्ञप्ति निकाल्दै एमाले जिल्ला कमिटी अध्यक्ष शरणकुमार राईले पार्टीका आधिकारिक उम्मेदवारबाहेकको प्रचारप्रसार लागे कारबाही गर्ने चेतावानीसमेत दिएका छन् ।
नेपाल प्रेस
प्रकाशित: २०७९ वैशाख २० गते १४:४५
प्रतिक्रिया
सम्बन्धित खवर
