भिल्लारियललाई हराउँदै च्याप्पियन लिगको फाइनलमा लिभरपुल
नेपाल प्रेस
२०७९ वैशाख २१ गते ६:२८
काठमाडौं । काठमाडौँ । लिभरपुल युइएफए च्याम्पियन्स लिगको फाइनलमा प्रवेश गरेको छ । मंगलबार राति भएको सेमिफाइनलमा भिल्लारियललाई ३–२ गोल अन्तरले पराजित गर्दै लिभरपुल फाइनलमा पुगेको हो ।
पहिलो हाफमा भिल्ला रियलले २–० को अग्रता लिएर लिभरपुललाई दबाबमा राखेको भएपनि लिभरपुलले कमब्याक गर्दै दोस्रो हाफमा ३ गोल गरेको थियो । लिभरपुलले खेलको ६२औं, ६७औं र ७४औं मिनेटमा गोल गरेको थियो ।
लिभरपुलको जितमा फाबिन्हो, लुइस डियाज र साडियो मानेले एक एक गोल गरेका थिए ।
यसअघि भिल्ला रियलका लागि बोउलाए डिया र फ्रान्सिस कोक्वेनले एक एक गोल गरेका थिए ।
यसअघि ६ पटक उपाधि जितेको लिभरपुलले पछिल्लो पटक २०१९ मा उपाधि जितेको थियो । त्यसअघि २०१८ मा फाइनलमा पुगेर पराजित भएको थियो ।
अब लिभरपुलले रियल म्याड्रिड र म्यानचेस्टर सिटीबीचको दोस्रो सेमिफाइनलको विजेतासँग उपाधिका लागि खेल्ने छ ।
नेपाल प्रेस
प्रकाशित: २०७९ वैशाख २१ गते ६:२८
प्रतिक्रिया
सम्बन्धित खवर
