सहिद बाबुरामको शालिकमा माल्यार्पण सुरु गरे शंकरले चुनावी अभियान
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/IMG-20220503-WA0029.jpg)
सिन्धुली । नेकपा एमालेको तर्फबाट सिन्धुलीको गोलन्जोर गाउँपालिका अध्यक्षको उम्मेदवार बनेका शंकरराज बरालले सहिद बाबुराम बरालको शलिकमा माल्यार्पण गरेर चुनावी अभियानको सुरुवात गरेका छन् ।
सहिद ऋषिराज देवकोटा (आजाद) की जिवन संगिनी एवम् प्रतिनिधिसभा सदस्य गोमा देवकोटा, नेकपा एमालेका केन्द्रीय सदस्य सुवास देवकोटा, नेकपा एमाले केन्द्रीय सम्पर्क समन्वय कमिटी सदस्य ध्रुवकुमार श्रेष्ठ र एमाले जिल्ला कमिटी सदस्य दीपेश बराललगायतले सहिद बरालको स्मृति दिवसमा हिजो गोलन्जोर गाउँपालिका– ३ ग्वाल्टारमा रहेको सालिकमा माल्यार्पण गरेर चुनावी अभियान सरूवात गरेका हुन् ।
बाबुराम बरालको २००७ सालको सफल जनक्रान्तिपछि देखिएको प्रतिक्रान्तिको झिल्को निभाउन गौर पुगेर समस्या समाधान गरिसकेपछि हत्या भएको थियो ।
सहिद बरालको जन्म १९८७ साल भदौ १९ गते सिन्धुलीको खुर्कोटमा भएको थियो । २००७ सालको क्रान्तिपछि बनेको पूर्व २ नंबर जनसरकारका गृहमन्त्री बराललाई गौरमा देखिएको प्रतिक्रान्तिको सामन गर्न केन्द्र सरकारले पठाएको थियो ।