निर्वाचन आयोगमा दर्ता कायम ११२ दलको सूची सार्वजनिक (सूचीसहित)

काठमाडौं । निर्वाचन आयोगले अहिलेसम्म दर्ता कायम ११२ राजनीतिक दलको सूची सार्वजनिक गरेको छ ।

आयोगले दलको नाम, दर्ता नम्बर, दर्ता मिति, दलको मुख्य कार्यालय र ठेगाना, सम्पर्क नम्बर, दलको प्रमुखको नाम, निर्वाचन चिन्ह र नाम तथा इमेल सार्वजनिक गरेको हो ।

दर्ता सूचीअनुसार एक नम्बरमा नेपाल मजदुर किसान पार्टी रहेको छ । दोस्रोमा नेकपा मालेको दर्ता रहेको छ ।

यस्तै नेकपा एमालेको क्रम संख्या २४ नम्बरमा रहे पनि दर्ता नम्बर भने ३२ रहेको छ । नेकपा माओवादी केन्द्रको क्रम संख्या २६ भए पनि दर्ता नम्बर भने ३७ रहेको छ । यस्तै नेपाली कांग्रेस क्रम संख्याको हिसाबले नेकपा माओवादी केन्द्रभन्दा पछि २७ नम्बरमा छ भने दर्ता नम्बर कांग्रेसको ३८ रहेको छ ।

यस्तै विवेकशील साझा पार्टी क्रम संख्याका हिसाबले ७१ नम्बरमा छ भने दर्ता नम्बर १३८ मा छ । जनता समाजवादी पार्टी (जसपा) क्रम संख्या ८६ मा छ भने उसको दर्ता नम्बर १५९ छ । नेकपा एकीकतृ समाजवादी पार्टी क्रम संख्या ९२ मा छ भने दर्ता नम्बर १६६ रहेको छ । नेकपा एसपछि लोकतान्त्रिक समाजवादी पार्टी (लोसपा) क्रम संख्या ९३ मा छ भने दर्ता नम्बर १६७ रहेको छ ।

हेर्नुस् सूची