बाबुराम भट्टराईको गृहनगरमा गठबन्धन टुट्यो

काठमाडौं । जनता समाजवादी पार्टी जसपाका संघीय परिषद् अध्यक्ष डा. बाबुराम भट्टराईको गृहनगरमा गठबन्धन टुटेको छ ।

गोखराको पालुङटार नगरपालिकामा गठबन्धन टुटेको हो । त्यहाँ र गोरखा नगरपालिकामा कांग्रेस र जसपाबीच चुनावी तालमेल गर्ने निर्णय भएको थियो ।

तर दुबै दलको बैठकले वडा तहसम्म तालमेल गर्ने प्रयास गर्दा पनि सफल नभएपछि एक्ला एक्लै निर्वाचन लड्ने तयारी भएको कांग्रेसले जनाएको छ।

कांग्रेस जिल्ला सभापति नन्दप्रसाद न्यौपानेले नेता कार्यकर्ताहरुको राय अनुसार दुबै दल स्वस्थ र मित्रवत् निर्वाचानमा जान तयार रहेको बताए ।

एक परिपत्र जारी गर्दैै उनले कांग्रेसको तर्फबाट उम्मेदवार रहेका मेयर, उपमेयर लगायत सबै वडाका उम्मेदवारहरुलाई निर्वाचित गराउने गरी अभियान सञ्चालन गर्न निर्देशन दिएका छन् ।