प्रचण्ड र आरजुलाई निर्वाचन आयोगले साेध्यो २४ घण्टे स्पष्टीकरण (पत्रसहित)
नेपाल प्रेस
२०७९ वैशाख २७ गते २०:३७
काठमाडौं । निर्वाचन आयोगले नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपाली कांग्रेसकी नेतृ आरजु राणा देउवालाई २४ घण्टे स्पष्टीकरण सोधेको छ ।
प्रचण्डलाई चितवनको भेलामा गठबन्धन उम्मेदवार रेणु दाहाललाई पराजित गराए देश दुर्घटना जानेछ भन्ने अभिव्यक्ति दिएपछि आयोगले स्पष्टीकरण सोधेको हो ।
मतदातालाई धम्क्याउने उद्देश्यले दिएको सो अभिव्यक्ति आपत्तिजनक रहेको भन्दै आयोगमा निवेदन परेको थियो ।
यस्तै कांग्रेस नेतृ देउवालाई गठबन्धन उम्मेदवारलाई जिताए हरेक वडाबाट ४, ५ जनाका दरले निःशुल्क रूपमा भिसा टिकेटको व्यवस्था गरी मलेसिया पठाउने विषयहरू बोलेको भन्दै आयोगले स्पष्टीकरण सोधेको हो ।
उनीहरूको विरुद्ध उजुरी परेपछि आयोगले २४ घण्टाभित्र जवाफ माग गर्दै पत्र पठाएको हो ।
नेपाल प्रेस
प्रकाशित: २०७९ वैशाख २७ गते २०:३७
प्रतिक्रिया
सम्बन्धित खवर
