बुटवलमा गठबन्धन उम्मेदवार दोब्बर मतले आगडि
नेपाल प्रेस
२०७९ वैशाख ३१ गते २१:५६
Localरुपन्देही । बुटवल उपमहानगरपालिकाको दुई वटा वडाको मत गन्दा एमालेका उम्मेदार बाबुराम भट्टराई भन्दा गठबन्धनका उम्मेदार खेलराज पाण्डे दोब्बर मतले अगाडि रहेका छन् ।
नगर प्रमुखको प्रारम्भिक मत गणनामा आग्रता लिएको नेपाली कांग्रेसले आफ्नो अग्रता कायमै राखेको छ ।
पहिले उपप्रमुखमा कमजोर देखिएकी एमालेकी साबित्रा अर्यालले भने मतान्तर बढाउँदै अग्रता लिएकी छन् ।
पछिल्लो मत परिणाम अनुसार नेपाली कांग्रेसका खेलराज पाण्डेले १ हजार ७८ मत पाएका छन् भने नेकपा एमालेका बावुराम भट्टराईले ५सय ४२ मत पाएका छन् ।
बुटवलको वडा नं १ मा दोश्रो स्थानमा रहेका राष्ट्रिय प्रजातन्त्र पार्टीका मृगेन्द्रकुमार शेरचनले ४१९ मत पाएर तेश्रो स्थानमा ओर्लेका छन्।
यसैगरी उपप्रमुखमा अग्रता लिइरहेकी राष्ट्रिय प्रजातन्त्र पार्टीकी भगवती पाण्डेलाई उछिन्दै एमालेकी साबित्रा अर्यालले ६ सय ३२ मत पाएकी छन्।
वडा नं १ को मतपरिणाममा तेश्रो स्थानमा रहेका गठबन्धनका उम्मेदवार चिनबहादुर गुरुङले वडा नं १९ को मत गणनामा पाण्डेलाई उछिनेका छन्।
गुरुङले ५७५ मत ल्याउदा पाण्डेले ४६७ मत प्राप्त गरेकी छन्। अहिले वडा नं २ को मतगणना भइरहेको छ ।
नेपाल प्रेस
प्रकाशित: २०७९ वैशाख ३१ गते २१:५६
प्रतिक्रिया
सम्बन्धित खवर
