मोरङमा कांग्रेस र एमालेले जिते आठ-आठ वडा (सूचीसहित)

विराटनगर । मोरङमा स्थानीय तह निर्वाचनअन्तर्गत नेपाली कांग्रेसले र एमालेले बराबरी वडा जितेका छन् ।

प्रदेश निर्वाचन कार्यालय विराटनगरको पछिल्लो प्राप्त मतपरिणाम अुनसार कांग्रेस र एमालेले आठ–आठ वडामा जितेको छन् । नेकपा माओवादी केन्द्रले एक वडामा जित हासिल गरेको छ ।

नेपाल कांग्रेसबाट कानेपोखरी गाउँपालिका वडा नम्बर १ मा रतनबहादुर कार्की, जहदा गाउँपालिका वडा नम्बर ७ मा भगवान मरन्डी, मिक्लाजुङ गाउँपालिका वडा नम्बर १ मा पर्वत राई, मिक्लाजुङ २ मा बलबहादुर श्रेष्ठ, सुनवर्षी नगरपालिका वडा नम्बर १ मा वीरबहादुर राई र सुनवर्षी नगरपालिका वडा नम्बर २ मा विनोकुमार राजवंशी विजयी भएका छन् । लेटाङ नग।पालिका ९ नन्दप्रसाद खतिवाडा, बेलबारी नगरपालिका १ मा मणि पुलामीले जितेका छन् ।

अहिलेसम्म मोरङमा एमालेका आठजना वडाअध्यक्ष विजयी भएका छन् । कटहरी गाउँपालिको वडा नम्बर १ मा हरिनायारण राजवंशी, केराबारी गाउँपालिका १ मा शरण थापा, कानेपोखरी गाउँपालिका ७ मा मोहन प्रसाद अधिकारी, ग्रामथान गाउँपालिका वडा नम्बर ७ मा वीरेन्द्र चौधरी, लेटाङ नगरपालिका वडा नम्बर १ मा विष्णु मगर, कटहरी गाँउपालिक २ सुरेन्द्र राजवंशी, केराबारी गाँउपालिका १० पुर्ण मगर र सुनबर्षी नगरपालिका ३ मा अतनकुमार बुढाथोकी विजयी भएका छन् ।

माओवादी केन्द्रबाट धनपालथान गाउँपालिका वडा नम्बर १ मा खाजाहुसेन मियाँ विजयी भएका छन् । अहिलेसम्म वडाका पदाधिकारीतर्फ ५३ जना विजयी भइसकेको मुख्य निर्वाचन अधिकृतको कार्यालयले जनाएको छ ।