झापाको कन्काई नगरपालिकामा एमाले अगाडि, ४ वटा वडाकाे नतिजामा एमाले र कांग्रेस बराबर
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/image_6483441-16.jpg)
काठमाडौं । झापाको कन्काई नगरपालिकाको जारी मतगणनामा मेयरतर्फ एमालेका राजेन्द्रकुमार पोखरेलले फड्को मारेका छन् । पोखरेल ५ हजार ९८ मतसहति शीर्षस्थानमा उक्लिएका छन् ।
स्वतन्त्र उम्मेदवार शेरबहादुर थापा ४ हजार २०२ मतसहित दाेस्राे स्थानमा छन्। अहिले वडा नं ३, ४ र ५ को मतगणना भइरहेको छ। यसअघि वडा नं ६, ७, ८ र ९ को मतगणना सम्पन्न हुँदा स्वतन्त्र उम्मेदवार थापा एमालेका पोखरेलभन्दा करिब ९०० मतले अगाडि थिए ।
कन्काई नगरपालिकामा २५ हजार ८५१ मत खसेकामा १५ हजार ७४४ मतको गणना सम्पन्न भइसकेको निर्वाचन अधिकृत दीपक कोइरालाले जानकारी दिए ।
उपमेयरतर्फ नेपाली कांग्रेसकी आशा सिवाकोटीले ६ हजार १२३ र एमालेकी मन्जु प्रसाईंले ५ हजार ३६७ मत ल्याएका छन् । यसअघि वडा नं ६, ७, ८ र ९ को मतगणना हुँदा प्रसाईं, सिवाकोटीभन्दा करिब ३०० मतले अगाडि थिइन् ।
वडाध्यक्षतर्फ वडा नं ६ मा नेकपा एमालेका दीर्घबहादुर थापा, वडा नं ७ मा नेपाली कांग्रेसका भीष्मभुषण सिटौला, वडा नं ८ मा नेपाली कांग्रेसकै लीलाबहादुर कटुवाल र वडा नं ९ मा एमालेका राजेन्द्रप्रसाद उप्रेती निर्वाचित भइसकेका छन् ।