सिन्धुपाल्चोकको भोटेकोसी गाउँपालिका कांग्रेसले जित्यो

सिन्धुपाल्चोक । सिन्धुपाल्चोकको भोटेकोसी गाउँपालिका कांग्रेसले जितेको छ । कांग्रेसका अध्यक्ष उम्मेदवार पासाङ नोर्बु शेर्पा दुई हजार ६०५ मत ल्याउँदै विजयी भएका हुन् ।

उनका निकटतम प्रतिद्वन्द्वी नेकपा एमालेका अमृत खडकाले २०४८ मत प्राप्त गरे ।

त्यसैगरी उपाध्यक्षमा नेपाली कांग्रेसकै दिछेन शेर्पा दुई हजार ७१२ मत ल्याउँदै विजयी भएकी छन। उनको निकटतम प्रतिद्वन्द्वी एमालेकी सुन्तलीमाया तामाङले २ हजार ५५३ मत प्राप्त गरिन् ।

पाँच वडा रहेको यो गाउँपालिकामा १, २ र ५ कांग्रेसले जितेको छ भने ३ मा स्वतन्त्र उमेदवार विजयी भएका छन् । त्यस्तै वडा नम्बर ४ मा एमाले उमेदवार विजयी भएका छन्।