दैलेखको नारायण नगरपालिकामा गठबन्धनलाई हराउँदै एमाले विजयी

सुर्खेत । दैलेख सदरमुकाम रहेको नारायण नगरपालिकामा गठबन्धनलाई पराजित गर्दै एमालेका उम्मेदवारहरु विजयी भएका छन् । नगरप्रमुखमा एमालेका लोमन शर्मा विजयी भएका छन् भने उपप्रमुखमा पनि एमालेकै तप्ता कुमारी थापा विजयी भएका हुन् ।

एमालेका लोमन शर्माले ५ हजार ४ सय ३६ मत प्राप्त गर्दै नगर प्रमुखमा विजयी भए भने उनका निकटतम प्रतिद्वन्द्वी नेपाली कांग्रेसका निर्मला खड्का (थापा)ले ५ हजार ३ सय ५७ मत प्राप्त गरिन्।

यस्तै उपप्रमुखमा नेकपा एमालेका तप्ताकुमारी थापा विजयी भइन् । थापाले ५ हजार ६ सय ७३ मत प्राप्त गरिन् । उनका प्रत्यासी नेकपा एकीकृत समाजवादीका सावित्री मल्लले ३ हजार ८ सय ३८ मत प्राप्त गरिन् ।