ललितपुर महानगरमा फराकिलो बन्दै चिरीबाबुको अग्रता, उपमेयर उम्मेदवार नभएको कांग्रेसको चिन्हमा २१३६ मत
नेपाल प्रेस
२०७९ जेठ ३ गते १४:५७
ललितपुर । ललितपुर महानगरपालिकाको मेयरमा नेपाली कांग्रेसका उम्मेदवार चिरीबाबु महर्जनको अग्रता फराकिलो बन्दै आएको छ । उनले ७९२० मतसहित अग्रतालाई कायमै राखेका हुन् ।
महर्जनलाई नेकपा एमालेका हरिकृष्ण व्यञ्जनकारले ३४७६ मतसहित पछ्याइरहेका छन् । महर्जनसँग व्यञ्जनकारको मतान्तर ४४४४ रहेको छ । जुन दोब्बरभन्दा बढी हो ।
उपमेयरमा भने नेकपा एमालेकी मञ्जली शाक्यले ४०४५ मतसहित अग्रता लिइरहेकी छन् । गठबन्धनबाट माओवादीका बाबुराज बज्राचार्यले २५१७ मत प्राप्त गरेका छन् ।
कांग्रेस र माओवादीले चुनावी तालमेल गरेको ललितपुरमा उपमेयर उम्मेदवार नभएको कांग्रेसको चुनाव चिन्हमा २१३६ मत परेको छ । कांग्रेसले गठबन्धनका उपमेयर उम्मेदवारलाई मत दिन आनाकानी गर्दा एमालेभन्दा पछाडि परेको माओवादी नेताहरु बताउँछन् ।
ललितपुर महानगरमा हालसम्म १४२१६ मत गणना भइसकेको छ ।गर्दा
नेपाल प्रेस
प्रकाशित: २०७९ जेठ ३ गते १४:५७
प्रतिक्रिया
सम्बन्धित खवर
