गठबन्धनलाई हराउँदै पाल्पाको बगनासकाली एमालेले जित्यो, अध्यक्षमा सरस्वती निर्वाचित
नेपाल प्रेस
२०७९ जेठ ४ गते ७:२३
रूपन्देही । पाल्पाको बगनासकाली गाउँपालिकामा नेकपा एमालेकी सरस्वती दर्लामी (चिदी) अध्यक्षमा निर्वाचित भएकी छन्। उपाध्यक्षमा पनि एमालेकै हरि पाठक विजयी भएका छन्।
गठबन्धनका तर्फबाट नेपाली कांग्रेस र एमाले दुवैले बगनासकालीमा अध्यक्षमा महिला उम्मेदवार उठाएका थिए । दर्लामीले नेपाली कांग्रेसकी सुनिता अधिकारीलाई पराजित गरेकी हुन्। दर्लामीले ६ हजार ४ सय ६६ मत प्राप्त गर्दा कांग्रेसकी अधिकारीले ५ हजार ६ सय ३३ मत प्राप्त गरिन्।
यसैगरी उपाध्यक्षमा एमालेकै पाठकले ५ हजार ८ सय ७३ मत प्राप्त गर्दा गठबन्धनका नेकपा एकीकृत समाजवादीका खिमानन्द पाण्डेय (कमल)ले ४ हजार ७ सय ७८ मत प्राप्त गरेका छन्।
नेपाल प्रेस
प्रकाशित: २०७९ जेठ ४ गते ७:२३
प्रतिक्रिया
सम्बन्धित खवर
