ललितपुरमा मतान्तर बढाउँदै महर्जन, उपमेयर उम्मेदवार नै नभएको रुखमा तीन हजार मत
नेपाल प्रेस
२०७९ जेठ ४ गते ८:३०
काठमाडौं । ललितपुर महानगरकाको मेयरमा कांग्रेसका उम्मेदवार चिरीबाबु महर्जनले निरन्तर मतान्तर बढाउँदै अग्रता कायम राखेका छन् । पछिल्लो परिणामअनुसार २१, ४२७ मत गणना हुँदा महर्जनले ११, ९२० मत पाएका छन् ।
उनका प्रतिस्पर्धी एमालेका हरिकृष्ण ब्यन्जन्कारले महर्जनको भन्दा करिब आधा मात्रै मत पाएका छन् । व्यञ्जनकारले अहिलेसम्म ५, ५७० मत प्राप्त गरेका छन् ।
त्यस्तै उपप्रमुखमा एमालेकी मन्जली शाक्यले ५, ९८३ मत पाएकी छन् भने माओवादीका बाबुराज बज्राचार्यले ४, ५६६ मत ल्याएका छन् ।
यहाँ उपमेयरमा उमेदवार नै नभएको रुख चिह्नमा ३, २८० मत खसेको छ ।
ललितपुर माहानगरपालिकाको वडा नम्बर ६ मा नेपाली कांग्रेसका रुपेन्द्र राज शाक्य १३१८ मतसहित विजयी भएका छन् ।
नेपाल प्रेस
प्रकाशित: २०७९ जेठ ४ गते ८:३०
प्रतिक्रिया
सम्बन्धित खवर
