बुटवल उपमहानगरमा गठबन्धनका खेलराज एमालेका भट्टराईभन्दा साढे ४ हजार मतले अगाडि
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/butwal_meyor.jpg)
रुपन्देही । बुटवल उपमहानगरपालिकाको मेयरमा नेपाली कांग्रेसका खेलराज पाण्डेले मतान्तर फराकिलो बनाउँदै लगेका छन् । गठबन्धनका उम्मेदवार उनले १३ हजार ४१८ मत प्राप्त गर्दै अग्रता कायम राखेका हुन् ।
नेकपा एमालेका प्रत्यासी बाबुराम भट्टराईले ८ हजार ९७२ मत प्राप्त गरेका छन् । पछिल्लो मत गणनाअनुसार भट्टराई पाण्डेभन्दा ४ हजार ४४६ मतले पछि छन् । यसैगी राप्रपाका मृगेन्द्र शेरचनले २३७४ मत प्राप्त गरेका छन् ।
उपमेयर उम्मेदवारमा भने नेकपा एमालेकी सबित्रा अर्यालले अग्रता कायम राखेकी छन् । उनले गठबन्धनका चीनबहादुर गुरुङलाई २७०१ मतले पछि पारेकी छन् । अर्यालले ९ हजार ९७८ मत प्राप्त गर्दा गठबन्धनका गुरुङले ७ हजार २७७ मत प्राप्त गरेका छन् ।
यसैगरी राप्रपाकी भगवती पाण्डे सैंजुले ३३०७ मत प्राप्त गरेकी छन् । बुटवलमा हालसम्म २७३४४ मत गणना भएको छ ।
यसअघि एमालेले जितेका वडाहरुमा पनि कांग्रेसले फराकिलो अन्तरले जितेकाले यहाँबाट पाण्डेको जित निश्चित जस्तै बनेको छ । तर, उपमेयरमा भने गठबन्धनभन्दा एमालेका उम्मेदवार अगाडि छन् । यो अन्तरलाई हेर्दा उपमेयरमा एमालेले जित्ने सम्भावना बलियो भएको छ ।