माधव नेपालकाे गृहनगर गौरमा नेकपा एस विजयी
नेपाल प्रेस
२०७९ जेठ ४ गते १६:४४
जनकपुरधाम । रौतहटको गौर नगरपालिकाको मेयर र उपमेयरमा नेकपा एकीकृत समाजवादीका उम्मेदवार विजयी भएका छन् । गाैर नेकपा एसका अध्यक्ष माधवकुमार नेपालकाे गृहनगर हाे ।
मेयरमा शम्भु साहले ६ हजार ३८१ मत ल्याएर विजयी भएका हुन् । उनका निकटम प्रतिस्पर्धी लोकतान्त्रिक समाजवादी पार्टी (लोसपा) का अजयकुमार गुप्ताले ३ हजार ७५५ मत ल्याए ।
यस्तै उपमेयरमा एकीकृत समाजवादीकै शैलकुमारी साह ४ हजार ८०९ मत ल्याएर विजयी भएकी छन् । उनका निकटतम प्रतिस्पर्धी नेपाली कांग्रेसकी शाहजान खातुन ३ हजार ६८५ मतमै सीमित भए ।
यसअघि सिरहाको सखुवानन्कारकट्टी गाउँपालिका अध्यक्षमा एकीकृत समाजवादीका केदारनाथ यादव विजयी भएका थिए ।
नेपाल प्रेस
प्रकाशित: २०७९ जेठ ४ गते १६:४४
प्रतिक्रिया
सम्बन्धित खवर
