रुपन्देहीको मायादेवीको अध्यक्षमा कांग्रेस र उपाध्यक्षमा लोसपा विजयी

रुपन्देही । रुपन्देहीको मायादेवी गाउँपालिकामा नेपाली कांग्रेसका ध्रुवनारायण चौधरी निर्वाचित भएका छन् ।

चौधरीले अध्यक्ष पदमा ५ हजार ३ सय ८६ मत ल्याएर विजयी भएका हुन् । उनका निकटतम प्रतिद्वन्द्वी लोकतान्त्रिक समाजवादी पार्टीका राम अधारे अहिरले ४ हजार ९ सय ८८ मत प्राप्त गरे ।

उपाध्यक्षमा लोसपाकी नर्वदा देवि उपाध्याय ४ हजार ९ सय ४२ मत ल्याइ विजयी भएकी छन् । उनका निकटतम प्रतिद्वन्द्वी कांग्रेसको तारादेवी यादवले ४ हजार ८ सय ८९ मत प्राप्त गरिन् ।