हेटौँडा अपडेट : ४५ हजार मत गन्दा गठबन्धन पहिलो, एमाले दोस्रो स्थानमा उक्लियो

हेटौँडा । स्थानीय तह निर्वाचन अन्तर्गत सबैको चासो रहेको हेटौँडा उपमहानगरपालिकाको करिब ४५ हजार मत गणना भएको छ ।

हालसम्म ४४ हजार ९ सय ७५ मत गणना हुँदा मेयरमा गठबन्धनको तर्फबाट नेकपा एकीकृत समाजवादीकी मिना लामाले अग्रता कायम राखेकी छिन् । जारी मतपरिणाम अन्तर्गत लामाले १३ हजार ९ सय ११ मत प्राप्त गर्दा नेकपा एमाले दोस्रो स्थानमा उक्लिएको छ ।

एमालेका अनन्तप्रसाद पौडेलले १२ हजार ८ सय ९६ मत प्राप्त गरेका छन् । तेस्रो स्थानको राप्रपाका दीपकबहादुर सिंहले १२ हजार ८ सय ६७ मत प्राप्त गरेका छन् ।

उपमेयर तर्फ पनि गठबन्धनकै राजेश बानियाँको अग्रता कायम छ । बानियाँले २० हजार १ सय २४ मत ल्याउँदा एमालेकी सुमित्रा काफ्लेले १४ हजार ४ सय १८ मत प्राप्त गरेकी छिन् ।

राप्रपाकी इन्दिरा न्यौपानेले ३ हजार १ सय ९६ मत प्राप्त गरेका छन् । मतगणना जारी छ ।