विहादी गाउँपालिकाको अध्यक्षमा कांग्रेसका गुरुङ विजयी

पर्वत । पर्वतको विहादी गाउँपालिकाको अध्यक्षमा नेपाली कांग्रेसका प्रविण गुरुङ विजयी भएका छन् ।

गुरुङले ३ हजार ४ सय ६९ मत ल्याउँदै नेकपा एमालेका निकटमत प्रतिस्पर्धी ओमप्रसाद कुँवरलाई ५ सय ३२ मतले पराजित गरेका हुन् । एमालेका कुँवरले २ हजार ९ सय ३७ मत प्राप्त गरे । अध्यक्षमा निर्वाचित गुरुङ पर्वतको प्रदेश ‘ख’ कार्यसमितिका सभापतिसमेत हुन् ।

उपाध्यक्षमा भने नेकपा एमालेकी मिना तिवारी विजयी भइन् । उनले ३ हजार २ सय २७ मत ल्याउँदा नेकपा माओवादीका सन्तबहादुर गुरुङले ३ हजार ५० मत पाए । सो पालिकाका ६ वडा मध्ये ३ मा एमाले, २ मा कांग्रेस र १ मा माओवादी विजयी भएका छन् ।