हेटौंडामा गठबन्धनकी मीना लामाको अग्रता कायमै, ४ नम्बर वडामा एमालेले जित्याे प्यानलै
नेपाल प्रेस
२०७९ जेठ ५ गते १७:०१
हेटौंडा । बागमती प्रदेशको एकमात्र उपमहानगरपालिका हेटौंडामा मत गणना जारी रहेको छ । हालसम्म ५५ हजार २७१ मत गणना हुँदा मेयरमा गठबन्धनबाट नेकपा एकीकृत समाजवादीकी मीना लामाले अग्रता कायम गरेकी छन् ।
लामाले हालसम्म १७ हजार १५८ मत प्राप्त गर्दा दोस्राे स्थानका नेकपा एमालेका अनन्तप्रसाद पौडेलले १६ हजार १२६ र राप्रपाका दीपकबहादुर सिंहले १५ हजार ४३१ मत प्राप्त गरेका छन् ।
उपमेयरमा पनि गठबन्धनकै उम्मेदवारको अग्रता जारी छ । गठबन्धनबाट कांग्रेसका राजेश बानियाँले २५ हजार ११३ मतसहित अग्रता कायम गर्दा एमालेकी सुमित्रा काफ्लेले १८ हजार ४७ मत ल्याएकी छन् । राप्रपाकी इन्दिरा न्यौपानेले ३ हजार ८८९ मत ल्याएकी छन् ।
हेटौँडा उपमहानगरपालिका वडा नम्बर ४ को वडाध्यक्षमा भने नेकपा एमालेको प्यानलै विजयी भएको छ । गठबन्धनविरुद्ध उत्रिएको एमालेबाट वडाध्यक्षमा नवीन सिग्देल विजयी भएका हुन् । त्यस्तै वडा सदस्यहरुमा जनरल (जेन) श्रेष्ठ, जगन्नाथ पाण्डे, गीता त्रिपाठी र विष्णुमाया देउला विजयी भएका छन् ।
नेपाल प्रेस
प्रकाशित: २०७९ जेठ ५ गते १७:०१
प्रतिक्रिया
सम्बन्धित खवर
