धनगढीमा हमालले कटाए १६ हजार मत
नेपाल प्रेस
२०७९ जेठ ५ गते १९:४८
धनगढी । धनगढी उपमहानगरपालिकामा स्वतन्त्र उम्मेदवार गोपाल हमालले १६ हजार मत कटाएका छन् ।
हालसम्म ३५ हजार ८९४ मत गणनामा हमालले १६ हजार ४ सय १६ मत प्राप्त गरेका छन् ।
उनका निकटतम प्रतिद्वन्द्वी सत्तारूढ गठबन्धनबाट उम्मेदवार बनेका नेपाली कांग्रेसका नृपबहादुर वडले ८ हजार १२३ मत मात्रै प्राप्त गरेका छन भने, नेकपा एमालेका रणबहादुर चन्दले ३ हजार ७७४ मतमात्रै पाएका छन् ।
उपमेयरतर्फ सत्तारूढ गठबन्धनबाट उम्मेदवार बनेकी नेकपा माओवादी केन्द्रकी शान्ति अधिकारीले ७ हजार ४५७ मत प्राप्त गर्दै अग्रता कायम राखेकी छन् ।
उनलाई नेकपा एमालेकी नन्दकला रानाले ६ हजार ६१७ मतसहित पछ्याइरहेकी छन् । स्वतन्त्र उम्मेदवार प्रभाकर भण्डारीले ४ हजार १५४ मत प्राप्त गरेका छन् ।
नेपाल प्रेस
प्रकाशित: २०७९ जेठ ५ गते १९:४८
प्रतिक्रिया
सम्बन्धित खवर
