स्थापितले मतदान गरेको वडामा ४०० मत गन्न बाँकी, सूर्य ६३२ र लौरो ६२३
नेपाल प्रेस
२०७९ जेठ ६ गते ०:०९
काठमाडौं । काठमाडौं महानगरपालिकाको मतगणना जारी रहेको छ ।
अहिले नेकपा एमालेको तर्फबाट उम्मेदवार बनेका केशव स्थापितले मतदान गरेको वडा नम्बर २८ मा मतगणना जारी रहेको छ ।
कुल २९९७ मत खसेको सो वडामा अहिलेसम्म २५२१ मतगणना भएको छ ।
जसमा मेयरका उम्मेदवार स्थापितले अग्रता लिएका छन् । उनले ६३७ मत प्राप्त गरेका छन् । उनलाई स्वतन्त्र उम्मेदवार बालेन साहले पछ्याइरहेका छन् । साहको ६२३ मत छ । यस्तै नेपाली कांग्रेसका उम्मेदवार सिर्जना सिंहले ६०५ मत प्राप्त गरेकी छन् ।
अहिलेसम्मको परिणाम अनुसार बालेन साह नै अगाडि छन् । साहले २५ हजार ६६२ मत प्राप्त गर्दा स्थापितले १३४७० मत पाएका छन् । यस्तै सिंहले १२८९० मत पाएकी छन् । जम्मा ६७०१७ मतगणना भएको छ ।
वडामा भने नेपाली कांग्रेसले १०४५ मत पाएको छ । यस्तै एमालेले ९२६ मत पाएको छ ।
नेपाल प्रेस
प्रकाशित: २०७९ जेठ ६ गते ०:०९
प्रतिक्रिया
सम्बन्धित खवर
