विष्णु पौडेलको वडा कांग्रेसले जित्यो, एमालेको ३० वर्षे विरासत तोडियो

रुपन्देही । नेकपा एमालेका उपाध्यक्ष एवं पूर्वअर्थमन्त्री विष्णु पौडेलले मतदान गरेको वडा कांग्रेसले जितेको छ ।

पौडेलले मतदान गरेको बुटवल उपमहानगरपालिकामा एमालेका उम्मेदवार ज्ञानप्रसाद अर्याललाई ३५ मतले पराजित गर्दै नेपाली कांग्रेसमा यज्ञप्रसाद पंगेनीले जित निकालेका छन् ।

तीन दशकयता एमालेबाहेक कसैले जित्न नसकेको यो वडामा यसपालिका कांग्रेसले जित निकालेको हो । वडाध्यक्ष कांग्रेसले जितेको यो वडामा दुई सदस्य एमाले, एक सदस्य जनमुक्ति र एक सदस्य माअ‍ोवादीका उम्मेदारले जितेका छन् ।

वडा सदस्यमा एमालेका सीता खनाल, सबिता विक, माओवादीका हरि ज्ञवाली, जनमुक्तिका तुलबहादुर थापाले जितेका हुन् ।