विराटनगर अपडेट: गन्न बाँकी १४ हजार, मतान्तर ६ हजार

विराटनगर । विराटनगर महानगरपालिकामा १४ हजार ३३७ मत गन्न बाँकी हुँदा गठबन्धनका तर्फबाट उम्मेदवार कांग्रेसका नागेश कोइराला ६ हजार १४८ मतले अगाडि छन् ।

अहिलेसम्ममा विराटनगरमा खसेको मत ८९ हजार ६७८ मतमध्ये ७५ हजार ३४१ मत गणना भएको छ । गणना भएको मतमध्ये कांग्रेसका कोइरालालाई २४ हजार ५६३ र एमालेका सागर कुमार थापालाई १८ हजार ४१५ मत खसेको छ ।

उपप्रमुखमा भने एमालेकी शिल्पा निराला कार्कीले २१ हजार ३८३ सहित अग्रता कायम गरेकी छन् । गठबन्धन तर्फका जसपाका अमरेन्द्र यादवले १२ हजार १०४ मत मात्र पाएका छन् ।

महागरको मत गणना सम्पन्न भएकोमध्ये मेयरमा १८ हजार २९९ र उपमेयरमा २८ हजार ७५९ मत बदर भएको छ ।