मोरङको बेलबारी मेयरमा एमालेका राई विजयी

विराटनगर । मोरङ बेलबारीको मेयरमा एमालेका दिलप्रसाद राई विजयी भएका छन् । राइले १६ हजार ४ सय २२ मत ल्याएर विजयी बन्दा कांग्रेसका महेन्द्रप्रसाद सुवेदीले १५ हजार ६ सय २० मत ल्याएका छन् ।

उपमेयरमा कांग्रेसकी नितु थापा १३ हजार ७ सय ३१ मत ल्याएर विजयी भएकी छिन् भने प्रतिस्पर्धी एमालेकी तिल कुमारी गौतमले १३ हजार ६ सय ५ मत ल्याएकी छन् ।

गत चुनावमा बहुमतसहित बेलबारीमा एमालेले जितेको थियो ।