जानकी गाउँपालिकामा रेशम चौधरीको पार्टीको जित, पत्रकार बने अध्यक्ष

कैलाली । लामो समय सक्रिय पत्रकारितामा रहेका गणेश चौधरी गाउँपालिका अध्यक्षमा निर्वाचित भएका छन् ।

कैलालीको जानकी गाउँपालिकामा नागरिक उन्मुक्ति पार्टीका तर्फबाट गणेश चौधरी सात हजार १५१ मत ल्याई विजयी भएका हुन् । उनी विगत २४ वर्षदेखि पत्रकारिता थिए ।

चौधरीले कांग्रेस–माओवादी केन्द्रका साझा उम्मेदवार परशुराम महतोलाई एक हजार ९०९ मतान्तरले पछि पार्दै जितेका हुन् ।कांग्रेसका महतोले पाँच हजार २४२ मत पाए ।

यसैगरी उपाध्यक्षमा पनि नागरिक उन्मुक्ति पार्टीका उम्मेदवार लालमतिदेवी कठरिया नेकपा एमालेका उम्मेदवार गीता चौधरीलाई एक हजार ७०४ मतले पछि पार्दै विजयी भइन्। कठरियाले छ हजार ५६२ मत पाएकी छन् ।

जानकी गाउँपालिकामा नागरिक उन्मुक्ति पार्टीले पाँच वडा र नेकपा एमालेले चार वडा जितेको छ । नेपाली कांग्रेसले छ वडा सदस्य मात्र जितेको छ ।