कैलाली लम्की चुहाको मेयर, उपमेयर दुवैमा महिला निर्वाचित

कैलाली । तालमेल गरेर निर्वाचनमा होमिएका दलहरूका कारण प्रमुख र उपप्रमुख दुवैमा पुरुष निर्वाचित हुनेहरूको संख्या बढिरहेका बेला कैलालीको लुम्की चुहा नगरपालिकामा भने दुवै पदमा महिला निर्वाचित भएका छन् ।

यहाँ प्रमुख पदमा गठबनधनकी साझा उम्मेदवार नेपाली कांग्रेसकी शुशीला शाही र उपप्रमुखमा नेकपा एमालेकी जुना चौधरी विजयी भएका छ्न्।

शाहिले आफ्ना निकटतम प्रतिद्वन्द्वी नेकपा एमालेका उम्मेदवार महादेव बजगाइँलाई २२९० फराकिलो मतले पछाडि पर्दै नगरप्रमुख पदमा विजयी बनेकी हुन।

विजयी शाहीले १२ हजार ७१३ मत प्राप्त गरेकी छ्न् भने बजगाइँले १० हजार ४३५ मत पाए ।

त्यस्तै उपप्रमुखमा एमालेकी जुना चौधरी विजयी भएकी छन्। उनी आफ्ना निकटतम प्रतिद्वन्द्वी गठबन्धनबाट साझा उम्मेदवार बनेकी माओवादीकी जानकी सिंहलाई ३३९९ फराकिलो मतले पछि पार्दै विजयी भएकी हुन् ।

विजयी चौधरीले ११ हजार ७०७ मत प्राप्त गरेकी छन् भने प्रतिस्पर्धी जानकी सिंहले ८ हजार ३०८ मत ल्याएकी छन्।