मिर्चैया नगरपालिकामा दोहोरिए माओवादीकै मेयर र उपमेयर

जनकपुरधाम । सिरहाको मिर्चैया नगरपालिकामा निवर्तमान मेयर र उपमेयर नै पुनः दोहोरिएका छन् ।

नेकपा माओवादी केन्द्रबाट मेयरमा श्रवण कुमार यादव र उपमेयरमा जीवछी देवी साह निर्वाचित भएकी हुन् ।

श्रवणले ५२३३ मत ल्याएर विजयी भएको निर्वाचन अधिकृतको कार्यालयले जनाएको छ । उनका निकटतम प्रतिस्पर्धी नेपाली कांग्रेसका सिताराम यादव ४७१० मत पाए ।

उपमेयरमा विजयी साहले ५०७० मत ल्याएकी हुन् । उनकी निकटतम प्रतिस्पर्धी नेपाली कांग्रेसकी अनिता साह ५०२६ मत ल्याएकी छन् ।