इटहरीमा माओवादी र नेकपा एस बढारिए, कार्यपालिकामा एमालेको बहुमत

इटहरी । इटहरीको नगरकार्यपालिकामा नेकपा (माओवादी केन्द्र) र नेकपा एसको निल भएको छ। आज सार्वजनिक भएको अन्तिम नतिजाअनुसार मेयरमा कांग्रेस, उपमेयरमा एमाले विजयी भएका छन् भने २० वडा अध्यक्षमा १४ एमाले, पाँच कांग्रेस र एक एमालेको बाघी उम्मेदवार विजयी भएका छन् ।

एमालेले २, ३, ४, ५, ७, ९, ११, १२, १५, १६, १७, १८ र १९ वडा अध्यक्ष जितेको छ भने नेपाली काङ्ग्रेसले १, ६, ८, १३ र २० वडा जितेको छ । वडा नम्बर १४ मा एमालेको बाघी प्यानल स्वतन्त्र उमेदवारकोरूपमा विजयी भएका छन् ।

इटहरीको काङ्ग्रेस, माओवादी र एसको गठबन्धनमा एसले उपमेयर केशव विष्टसहित वडा नम्बर १४ मा वडा अध्यक्ष पाएको थियो भने १० र १८ मा वडा अध्यक्ष माओवादीले पाएको थियो । यी कुनै पदमा जित ननिकाल्दा इटहरीको नगरकार्यपालिकामा एस र माओवादीको निल भएको छ।

माओवादी यसअगाडि पनि नगरकार्यपालिकामा निल थियो भने एसबाट मनोनित नगरकार्यपालिका सदस्यको रूपमा गौरीमान परियार थिए। नयाँ सत्ता समीकरणमा एमालेको एक्लो बहुमत भएकोले अबको मनोनित नगरकार्यपालिका सदस्य पनि एमाले वृत्तकै हुने भएको छ।