अशोकको पहिलो निर्णय – आमचोकबासीलाई गम्भीर रोगमा एक लाखसम्म अनुदान
नेपाल प्रेस
२०७९ जेठ ९ गते १३:२९
भोजपुर । आमचोक गाउँपालिकाका नवनिर्वाचित अध्यक्ष अशोक राईले पदवहाली गरेका छन् ।
पदवहाली गर्दै राईले गाउँपालिकाबासी ज्येष्ठ, असक्त तथा अपांगता भएकाहरूलाई सरकारी कार्यालयमा आवत जावत गर्दा यातायात सुविधा उपलब्ध गराउने घोषणा गरेका छन् ।
साथै मिर्गौला फेल, दुर्घटनामा परी ढाड भाँचिएको तथा अङ्गभङ्ग भएको र क्यान्सर रोगीहरूलाई उपचार खर्चबापत गाउँपालिकाले एक लाखसम्म अनुदान सहयोग गर्ने भएको छ ।
त्यसका लागि राईले ज्येष्ठ तथा अशक्त नागरिक यातायात सेवा सञ्चालन तथा नागरिक उपचार कोष स्थापनासम्बन्धी निर्णयमा हस्ताक्षर गरेका छन् ।
माओवादीका अशोक दोस्रो कार्यकालका लागि पालिका अध्यक्षमा निर्वाचित भएका हुन् ।
नेपाल प्रेस
प्रकाशित: २०७९ जेठ ९ गते १३:२९
प्रतिक्रिया
सम्बन्धित खवर
